Category Archives: Uncategorized

სტუდენტურ ახალგაზრდული სათათბირო ახალგაზრდებისთვის

სტუდენტურ ახალგაზრდული სათათბირო ოზურგეთში არსებული არასამთავრობო ორგანიზაციაა, რომელიც ახალგაზრდების განვითარების კუთხით მუშაობს და მათთვის ახალი შესაძლებლობების აღმოჩენის გარანტია. 

ორგანიზაცია თავიდან ევროკავშირის სხვადასხვა პროექტებში იღებდა მონაწილეობას,  “ახალგაზრდობა მოქმედებაში” – ასე ერქვა პროგრამას, რომელსაც ევროკავშირი ახორციელებდა. სხვადასხვა აქტივობები იყო, როგორც მოხალისეობრივი აქტივობები, ასევე ახალგაზრდული გაცვლითი პროექტები, რომელშიც ქართველი ახალგაზრდები მონაწილეობდნენ.

ორგანიზაციას ამჟამად ასზე მეტი ახალგაზრდა ყავს მოხალისეობრივ პროგრამაში ჩართული საზღვარგარეთ, სხვადასხვა არასამთავრობო ორგანიზაციებში, სადაც ისინი იძენენ ცოდნასაც, გამოცდილებასაც და ვითარდებიან სხვადასხვა კუთხით.

ორგანიზაციის საქმიანობის შესახებ გამგეობის თავმჯდომარე ნათია გიგიაძე გვესაუბრება: “ძალიან მრავალფეროვანი მიმართულებებია, რომელიც მოიცავს ახალგაზრდულ სფეროში საქმიანობას, სხვადასხვა არაფორმალური, თუ  ფორმალური განათლების მეთოდების გაზიარებას და დანერგვას, არის ეკოლოგიური მიმართულებები. ერთ-ერთი პროექტი, რომელიც რუმინეთში ხორციელდებოდა, ჩვენ გავუშვით გოგონა, რომელიც აუტიზმით დაავადებულ ბავშვებთან მუშაობდა. ეს გოგონა ექსპერტული ცოდნით დაბრუნდა და სამშობლოში დაბრუნების შემდეგ ძალიან კარგ ადგილას დასაქმდა და კარგ ანაზღაურებას იღებს თავის საქმიანობაში. მისი სურვილი იყო, რომ კონკრეტულად ამ სპეციფიკის ბავშვებთან ემუშავა. ბევრმა უარი თქვა ამ პროექტში მონაწილეობაზე, საქმიანობის სირთულიდან გამომდინარე.

ახალგაზრდები მუშაობდნენ მიგრანტებთან, სხვადასხვა სერვისს სთავაზობდნენ მასპინძელ ორგანიზაციებში. ამის პარალელურად ევროპელ ახალგაზრდებსაც ვმასპინძლობდით, რომლებიც როგორც ქალაქის სკოლებს, ასევე სოფლის სკოლებსაც ეხმარებოდნენ.

ძალიან მნიშვნელოვანია ახალგაზრდული გაცვლითი პროგრამები, რომელშიც სკოლის მოსწავლეებიც მონაწილეობენ. ამ პროექტში არამხოლოდ ოზურგეთელი ახალგაზრდები, არამედ საქართველოს სხვადასხვა კუთხიდან არიან ჩართულები.  

არაფორმალური განათლების სხვადასხვა მეთოდების გამოყენებით  ახალგაზრდების ჩართულობა სამოქალაქო აქტივობებში და ა.შ. ძალიან მრავალფეროვანი აქტივობებია, პროგრამა იძლევა იმის საშუალებას, რომ სკოლის მოსწავლეებიც ჩაერთონ პროექტებში. მათთვის ეს დიდი სტიმულია.

სტუდენტურ ახალგაზრდული სათათბიროს შვილობილი ორგანიზაციაა “ევროკლუბი”,  კლუბში მოხვედრა მსურველთა სიმრავლის გამო საკმაოდ გართულებულია: “შევზღუდეთ მიღების წესები და წევრთა რაოდენობა 13 მდე შევზღუდეთ, ევროკავშირის დროშაზე სწორედ 13 ვარსკვლავია. კლუბის წევრები ევროკავშირის წევრ ბევრ ქვეყანაში დადიან სხვადასხვა აქტივობებით.

თავიდან არაფორმალური კლუბები იყო სკოლებში, რომელიც ევროპელმა მოხალისეებმა დააფუძნეს. ორგანიზაციის ძირითადი მიზანი ევროპული ფასეულობების პოპულარიზაციაა ახალგაზრდებში. ევროპელი და ქართველი ახალგაზრდების ერთმანეთთან დაახლოება, მეგობრობა, ერთობლივი ინიციატივების განხორციელება. ძირითადად ევროპულ ფასეულობებს უკავშირდება.

ეს პროგრამები საშუალებას იძლევა თანატოლებთან ქონდეთ კავშირი, გაცვალონ კონტაქტები, ინგლისური ენის უნარებსაც იმუშავებენ, სამუშაო ენა არის ინგლისური. 

“გრძლევადიან პროგრამებში ვინც მონაწილეობდა, ყველა დასაქმდა ძალიან კარგ სამსახურში საქართველოში. დასაქმების კუთხით დიდი პროგრესია. ჩვენი ორგანიზაცია ინფორმაციის გავრცელებასაც უწყობს ხელს, როცა რაიმე ვაკანსიაა, თუნდაც იგივე მოხალისეობრივ პროგრამებში საზღვარგარეთ. ვეხმარებით კანდიდატებს პროგრამებში მონაწილეობის მისაღებად”.

არაფორმალური განათლების  მიღებით შენი განათლება ფორმალური ხდება  – ევროკავშირი ამას უსვამს ხაზს და სტუდენტურ – ახალგაზრდული სათათბიროც სწორედ ამაში ეხმარება ახალგაზრდებს, რომ  განივითარონ ეს უნარები. ამ პროგრამების მონაწილეობის შემდეგ უფრო მეტი შანსები ჩნდება. 

სამსახურის პირველი დღეების მაგია

ხვალ ჩემ მეგობარს ახალ სამსახურში პირველი დღე აქვს და ამაზე გამახსენდა. 

უნივერსიტეტის დამთავრების შემდეგ მშობლიურ რაიონს დავუბრუნდი და დავიწყე სამსახურის ძებნა. ვეძებდი ბევრს, ყველგან, ყველაფერს. ნჯეოებსაც კი შევუერთდი ერთი პერიოდი და ქალთა კლუბის წევრიც გავხდი:)

ერთ წელზე მეტი იყო და ჩემი წუწუნი იმატებდა, მაწუხებდა უმუშევრობა და ჩემი რესურსის გამოუყენებლობა.

ერთ დღესაც მეგობარი ბათუმიდან, მეუბნება, რომ თქვენთან ადგილობრივ ტელევიზიაში ვაკანსიააო. ვნახე და ეგ კაი ხანია არის, აყვანილი ეყოლებათ უკვე მეთქი. არ აუყვანიათო. კაი დავფიქრდები მეთქი(!). მერე კიდევ ერთმა მეგობარმა მითხრა ამ ვაკანსიის შესახებ. ნუ როგორც იქნა და სივი გავაგზავნე და გასაუბრებაზეც დამიბარეს ტელევიზიიდან. დეტალებში მახსოვს, სექტემბერი იყო და გაჩერებაზე რომ დავდექი, მანქანა ნაცნობი ენჯეოს ხელმძღვანელმა გამიჩერა, თვითონაც იმ გზაზე მიდიოდა. ტელევიზიასთან დამტოვეს და წარმატებები მისურვეს.

შენობას რომ მივუახლოვდი ჩემი გულისცემის ხმა მესმოდა. შევედი, მეორე სართულზე ავედი და გრძელ დერეფანში ერთადერთ ღია კართან ვიკითხე, ვისთანაც ვიყავი. ვიცანი, თვითონ იყო. მარა, მე რის მატრაკვეცა ვიყავი. რას გადავწყვეტთ, დაგიკავშირდებითო.

დაახლოებით ერთი თვის მერე დამირეკა. იქამდე ფეისბუკში დავმეგობრდით. ჩემი პოსტი უნახავს, სადაც ვწუწუნებდი, როგორ მინდოდა ერთ სახალხო დღესასწაულზე წასვლა და მგზავრს ვერ ვპოულობდი. გადამღები ჯგუფი მიდის ახლა, გაყევი და სამუშაო პროცესს დააკვირდიო. მივფრინდი ტელევიზიამდე. იმ დღეს არ მოვცილებივარ ჟურნალისტს და ოპერატორს, ვაკვირდებოდი ყველაფერს, ისინიც მიხსნიდნენ. მე ძალიან ბედნიერი ვიყავი. პარასკევი დღე იყო, 17 ოქტომბერი.

თუმცა, ეს მაინც არ იყო პირველი დღე.

20 ოქტომბერს დილით მივედი. დამაყენა უზარმაზარ დერეფანში და რომელ ოთახშიც გინდა, იქ შედიო. ნუ, მე უახლოესში შევედი და ვეძებდი ინფორმაციებს. იმ დღესვე მომიწია გადაღებაზე წასვლა. მახსოვს, მეორე ოპერატორი მოვიდა. მივედი და გავეცანი. რაგბი იყო. იქამდე მოვიძიე გურულ რაგბიზე ინფორმაციები, საიტზე შევედი (მაგრად დაჰკარიიით), ვქექე, ვქექე და წავედით.შემოდგომის თბილი დღე იყო, მზე კარგად აცხუნებდა. ინფორმაციები ავიღე, ჩასაწერი ჩავწერე, თავის მოწონება ვცადე მსაჯთან, თუ ვინ იყო, არ ვიცი იმის მისიას თამაშში რა ქვია ზუსტად. რა მაგარი გარდამოხსნა იყო მეთქი. კაცმა გაოცებულმა შემომხედა, თვალები შუბლზე ქონდა.გარდამოხსნა? გარდასახვა კაი იყო, კიო. მე მაშინ რა თქმა უნდა, ვერ მივხვდი ამ კაცის რეაქციებს. მერე ვიწვოდი სირცხვილით, კაი ხანი ვმალავდი ამ ისტორიას და არავისთან კრინტი არ დამიძრავს, ალბათ როგორი შთაბეჭდილება დარჩა იმ კაცს ჩემზე.

მეორე სამსახური კარგა ხნის მერე იყო. მაშინაც სამუშაოს ვეძებდი. და ასე უცებ, რო ეძებ, ეძებ და არაფერი არ არის, თავისით მიპოვა. თებერვლის თოვლიანი, თბილი დღე იყო. ადგილობრივი გაზეთის რედაქტორი მირეკავდა. მუშაობა შემომთავაზა. დავფიქრდები მეთქი (რა იყო დასაფიქრებელი). ცოტა ხანში დავურეკე და თანხმობა ვუთხარი.

მუშაობა აქაც ორშაბათიდან დავიწყე. რედაქციაში მივედი, ვიპოვე ოთახი, რედაქტორი იქ არ დამხვდა. სამაგიეროდ რედაქტორზე წინ მდგომი იჯდა იქ. პატარა ოთახში ოთხი მაგიდა იდგა და ამდენივე კომპიუტერი. კომპიუტერთან დამსვა, გაზეთის ვებ გვერდი და სხვა საინფორმაციო ვებ გვერდები ჩამირთო და გავიდა.

რედაქტორმა ამიხსნა მუშაობის სპეციფიკა, საჭირო საიტები და სოციალურ ქსელში ინფორმაციის გავრცელების საშუალებები. ყავა შემომთავაზა, მურაბა იყო შინდის მახსოვს. მიყვარს შინდის მურაბა.

წვიმიანი და ცივი დღე იყო. ინტერნეტში ვიჩხრიკებოდი და სამუშაო გარემოს ვსწავლობდი. გაზეთშიც ჩემი პირველი ნიუსი რაგბის შეეხებოდა. ერთ სოფელში ვახლდი რაგბის მწვრთნელებს, რომლებიც მოსწავლეებს ეძებდნენ იმ სოფელში რაგბისთვის.

ახლა ისევ ტელევიზიაში ვმუშაობ, თუმცა ამ დაბრუნებას აღარ ქონია ასეთი მძაფრი შეგრძნებები და პირველი დღის დაძაბულობები.

26 წლის ვარ ჯერ და დარწმუნებული ვარ, წინ კიდევ ბევრი სამსახურების პირველი დღეები მელოდება. არ მჯერა მე, მარადიულად ერთ ადგილზე ყოფნის.

ჩემ მეგობარს წარმატებული პირველი დღე მინდა ქონდეს.

55204009

ამბები გოგონებისთვის და ბიჭებისთვის

წიგნის მაღაზიაში პირველად ეს წიგნი რომ შევნიშნე, აღშფოთებისგან არ ვიცოდი რა მექნა. თაროზე „ამბები გოგონებისათვის“ გვერდით, „ამბები ბიჭებისთვის“ იწონებდა თავს…
ჩემთვის წარმოუდგენელია, თუ რატომ უნდა იყოს ასეთი მკაცრი კლასიფიცირება? რა განსხვავება შეიძლება იყოს ამ ორ წიგნს შორის, ან მაინცდამაინც გოგომ რატომ უნდა წაიკითხოს „ამბები გოგონებისათვის“ და თუ შემთხვევით „ამბები ბიჭებისთვის“ ჩაუვარდა ხელში და წაიკითხავს, მძიმე დანაშაულს ჩაიდენს? ზღაპრებში ასეთ მკაცრი, გენდერული კლასიფიკაცია ნამდვილი „სიურპრიზი“ აღმოჩნდა ჩემთვის.

20160204_164859

ეს ამბავი, არც უნდა გამკვირვებოდა იმის ფონზე, როცა ჯერ კიდევ სკოლაში, მასწავლებლებისგან, მშობლებისგან, უფროსებისგან მუდმივად ისმოდა, რომ ტექნიკური საგნები ბიჭებს უკეთ ესმით, გოგოების პროფესია მასწავლებლობა, ექთნობა და მსგავსი პროფესიებია. რატომ არ შეიძლება ქალი იყოს წარმატებული მათემატიკოსი, ასტროფიზიკოსი, ან თუნდაც, ფეხბურთელთა გუნდის მეკარე?!
„მაინც ბიჭია და ტვინი უკეთ უმუშავებს“ – ყოველთვის, ყოველთვის ვცდილობდი ამ ფრაზის საწინააღმდეგო გამეკეთებინა, ეს ერთგვარი კომპლექსიც კი იყო ამ ყველაფრის ფონზე, დამემტკიცებინა საკუთარი სქესის ინდივიდუალობა და სიძლიერე!
ჩემი მეგობრის პატარა ვაჟს ხელში ცოცხი ეჭირა და თავისთვის ერთობოდა. იქვე მყოფმა 8 წლის გოგონამ პატარას ლამის ხელიდან გამოგლიჯა ცოცხი, თან დიდი აღმზრდელობითი საუბარიც მიაყოლა იმის შესახებ, რომ ცოცხი ბიჭების საქმე არ არის, დალაგება და მისთანანი გოგოების „პრეროგატივააო“. მიდი ახლა და მის მშობელს აუხსენი, თუ რა არასწორ აზროვნებას უყალიბებს შვილს, რომ არ არსებობს გოგოს და ბიჭის საქმე და ისიც, დაგვა მამრობით სქესს არანაირად არ აკნინებს! ბუნებრივია, ამ სახის დამრიგებლური რჩევები ოჯახებში აქვთ მოსმენილი და შემდგომ უკვე, პატარები თვითონ ახდენენ ამის ტირაჟირებას – ეს ცუდია.
ან კიდევ, ჩემი მეგობრის მამას, სერიოზული შიში აქვს იმისა,რომ პატარა შვილიშვილს საკუთარი მამა მარტო ვერ დაიტოვებს, ვერ მოუვლის, ვერ გამოუცვლის და ვერ დაბანს. სინამდვილეში კი ბავშვის მამა შესანიშნავად უვლის მარტო საკუთარ შვილს – ეს კარგია.
ალბათ თქვენც ხშირად გსმენიათ ფრაზა, „გოგო ხომ არ ხარ“? ეს ფრაზა პატარა ბიჭებს, ძალიან ესირცხვილებათ.
მე მაინც ოპტიმისტი ვარ და იმედი მაქვს, ჩვენ ამ ფრაზას, და კიდევ უამრავს, დროთა განმავლობაში საკუთარი შვილების ლექსიკონიდან სამუდამოდ ამოვიღებთ.

გაცოცხლებული ბლოგი

რამდენჯერაც ხელში კალამი ავიღე, კი არა და, რამდენჯერაც ვორდპრესზე შემოსვლა გადავწყვიტე, რაღაც ძალამ შემაკავა. რაღაც ძალამ რა, სიზარმაცემ.

საერთოდაც მიმაჩნია სიზარმაცე ჩემი ერთადერთი ცუდი თვისებაა (თავმდაბალიც გახლავართ).

ყოველთვის ვცდილობ ამ სენს გავუმკლავდე, აი ახლაც ვცდილობ და მორიგ სისულელეს ვწერ.

ჰო, რამ მომცა ბიძგი, რომ დამეწერა. “National Geographic  საქართველოს” გვერდზე ერთი ბიჭის ბლოგს წავაწყდი და მომინდა ჩემი ბლოგიც გამევარჯიშებინა.

მერე ბლოგების გარდა,  “National Geographic  საქართველოს” საიტიც ვქექე და ვქექე, იქნება და სადმე ვაკანსიას წავაწყდე მეთქი, მაგრამ ისეთი უტყვია სიახლეების ზოლი…

ისევ მე თუ ვუშველი საკუთარ თავს. დავიწყებ ფიქრს იმაზე, თუ რაზე დავწერო. ამასობაში სოფელიც აშენდება.

არა მგონია ეს ჩემი ბლოგი საკუთარი ნებით  ვინმემ ნახოს. არც არსად არ გავაზიარებ 🙂

დავაანონსებ, შემდეგ ბლოგს ახალ წელზე დავწერ 🙂

P.S. ჰო. თეგების გაკეთება არ ვიცი, თორემ “National Geographic  საქართველოს” სადმე მივთაგავდი, იქნება და რა 🙂

კვარცხლბეკების ქალაქი

ოზურგეთში დავიბადე და ვცხოვრობ ბოლო ერთი წელია. რატომღაც მხოლოდ ახლა მომივიდა აზრად აქ მდებარე ძეგლები და ბიუსტები დამეთვალიერებინა. მეგობრების დახმარებით შევადგინე აქ არსებული ყველა ძეგლის, ბიუსტისა და მემორიალური დაფების სია და მათ გადასაღებად წავედი. პირველად ოზურგეთის ძველი საავადმყოფოს ეზოში მდებარე მემორიალური დაფა მოვინახულე. რამდენჯერ გამივლია აქ და არასდროს შემინიშნავს. როგორც წარწერიდან ჩანს “აქ, მის მიერ აგებულ საავადმყოფოში ცხოვრობდა და მოღვაწეობდა ოზურგეთის მაზრის პირველი ექიმი დიმიტრი კონსტანტინეს ძე ერისთავი, 1862 – 1924.”
IMG_6510

ქალაქში ძეგლზე მეტი კვარცხლბეკია, დიახ, კვარცხლბეკი! უბიუსტო კვარცხლბეკები თვალში გხვდება. მაშ, დავიწყოთ! N1 – მუზეუმის წინ რამდენიმე კვარცხლბეკია. მიზეზით რომ დავინტერესდი, გავიგე რომ, ნაციონალური მმართველობის პერიოდში ბიუსტები კვარცხლბეკებიდან ჩამოუგდიათ. ბიუსტები საბჭოთა გენერლებს ეკუთვნოდათ, სწორედ ეს გამხდარა მიზეზი იმისა, რომ ისინი გამქრალიყვნენ და მუზეუმის შენობაში დაედოთ ბინა.
collage1

საბჭოთა გენერლების ბიუსტები მუზეუმში.
IMG_6552

IMG_6553

არ დაჯერდნენ ბიუსტების მუზეუმის შენობაში გამომწყვდევას და ერთ-ერთ კვარცხლბეკთან საზოგადოებრივი ტუალეტიც ააშენეს, რომელიც როგორც ეს კვარცხლბეკები, უფუნქციოდაა. გარდა ამისა, ჩემი სუბიექტური აზრით, აუშნოებს მთლიან ხედს.

collage2

კვარცხლბეკთა სერიას მუსიკალური სკოლის წინ მდებარე კვარცხლბეკით ვაგრძელებ, კომპოზიტორ ვიქტორ დოლიძის ბიუსტი რამდენიმე წლის წინ მოუპარავთ და კვარცხლბეკი უბიუსტოდ დგას სკოლის წინ.
IMG_6523

სიას გმირთა მოედანზე მდებარე კიდევ ერთი უბიუსტო კვარცხლბეკით ვასრულებ: აქ ერთ დროს ეგნატე ნინოშვილის ბიუსტი იყო, რომელიც ასევე მოიპარეს. კვარცხლბეკი ახლა ასე გამოიყურება:
IMG_7482

როგორც ჩანს, კვარცხლბეკს ბიუსტი გამოუჩნდა, ნაიკის ბოტასი ამაყად იყურება 🙂

ეგნატე ნინოშვილის სახელობის N1 საჯარო სკოლაში (ამ სკოლასთან მშობლიური გრძნობები მაკავშირებს) ეს ბიუსტი უკვე დიდი ხანია დგას:
IMG_6857

ნოდარ დუმბაძის სახელობის N2 საჯარო სკოლის წინ მდებარე მწერლის ბიუსტი
IMG_6524

ეს ბიუსტი ჭადრების ბაღში დგას და დარწმუნებული ვარ, ბევრმა არ იცის, რომ ფილიმონ ქორიძეს უზარმაზარი ღვაწლი აქვს ქართული ფოლკლორის შენარჩუნებაში
IMG_6532

ჭავჭავაძის ქუჩის დასაწყისში ქორეოგრაფ გიორგი სალუქვაძის ბიუსტს იპოვით
IMG_6529

9 აპრილის პარკში იური სიორიძის ბიუსტი დგას
IMG_6543

აქვეა დაღუპულ პოლიციელთა უკვდავსაყოფად აგებული მონუმენტი
IMG_6546

ქალაქის ცენტრში, თორმეტსართულიანი საცხოვრებელი სახლის ქვეშ ერთი ძეგლია, რომლის ზუსტი სახელი, ვერაფრით დავადგინე. ზოგი მას მუზას(!) უწოდებს, ზოგიც ქალთევზას 🙂 მეც მათ რიგებში შევდივარ. ეს მუზა/ქალთევზა ერთგვარი სიმბოლოა ოზურგეთის. აი, ისიც:
IMG_6539

ჭავჭავაძის ქუჩაზე, ბაღთან, პოლიციის შენობის მოპირდაპირე მხარეს, რეჟისორ სიკო დოლიძის ძეგლი დგას
IMG_6527

კულტურისა და დასვენების პარკის ბოლოში ქართველი და უკრაინელი ხალხის მეგობრობის საპატივცემულოდ ძეგლი დგას, რომელიც მე პირადად ძალიან მომწონს
IMG_6569

ექვთიმე თაყაიშვილის სახელობის მუზეუმ-ნაკრძალის შესასვლელთან მდებარე ექვთიმე თაყაიშვილის ძეგლი:
IMG_7490

ძეგლის გადასაღებად ახლოს მისვლა დამჭირდა, რადგან ძეგლთან წინაღობა დამხვდა მანქანის სახით:
IMG_7488

და ბოლოს, წარმოგიდგენთ ოზურგეთის ალექსანდრე წუწუნავას სახელობის თეატრის გვერდით მდგარ ალექსანდრე წუწუნავას ძეგლს:
IMG_6556

ამ პოსტის მიზანი, ოზურგეთის ძეგლების და ბიუსტების გაცნობა იყო ყველასთვის. რამდენი ადამიანი ვცხოვრობთ ამ ქალაქში და უმეტესობა ჩვენგანი არც კი ვამჩნევთ მათ, მით უმეტეს ვერ ვხედავთ ამ ძეგლების გარშემო არსებულ სიტუაციას. კარგი იქნება, შესაბამისი უწყებები თუ დაინტერესდებიან მათი მდგომარეობით. უსუფთავობა, მოუვლელობა, უყურადღებობა ერთი შეხედვითაც ჩანს.

პატრიოტთა ალიანსის ბრიფინგი

13 ივნისს, “დავით თარხან-მოურავი – საქართველოს პატრიოტთა ალიანსის” ოზურგეთის მერობის კანდიდატმა შოთა გოგიბერიძემ დემოკრატიული ჩართულობის ცენტრში ბრიფინგი გამართა. 
“არჩევნები არ ყალბდება მხოლოდ არჩევნების დღეს, ის ამომრჩევლის შეგნებული მოტყუებითა და ცრუ მოწოდებებითაც შეიძლება გაყალბდეს.
საუბარია ბეგლარ სიორიძის მოწოდებაზე, თითქოს ის უკვე გამარჯვებულია, მაშ, რისთვისღაა არჩევნები?! ქალაქის მერობის სახელისუფლებო კანდიდატს შეგნებულად შეჰყავს შეცდომაში ამომრჩეველი, როცა ამბობს, რომ აუცილებლად უნდა გაიმარჯვოს მთავრობის კანდიდატმა და წინააღმდეგ შემთხვევაში ქალაქი დაფინანსების გარეშე დარჩება?
კატეგორიულად ვაცხადებ, რომ მსგავსი მოწოდება არის აბსოლიტური პოლიტიკური ნონსენსი და სრული აბსურდი, რომელიც შეიცავს მოწოდებას ერთპარტიული პოლიტიკური სისტემისკენ, ანუ პოლიტიკური უფსკრულისკენ.
გარდა ამისა, საერთო სახალხო არჩევნების გზით არჩეული ქალაქის მერი, რომელი პოლიტიკური სუბიექტის კანდიდატიც არ უნდა იყოს, არის სახელმწიფო საჯარო სამსახურის მაღალი რანგის თანამდებობის პირი და სრულად ჯდება სახელისუფლო ვერტიკალში, ხოლო, როგორც ხალხის მიერ დაქირავებული მოხელე, პასუხისმგებელია ამომრჩევლის წინაშე.
10366259_678224658879248_7264907719311838879_n
ქალაქის მერია, ქალაქის საკრებულოც და მათ მიმართ ცენტრალური ხელისუფლების დამოკიდებულება განისაზღვრება არა ვინმეს სიმპათია – ანტიპათიებით, არამედ საქართველოს კონსტიტუციით, თვითმმართველობის შესახებ საქართველოს კანონით, სახელმწიფო ბიუჯეტის შესახებ კანონით, სხვა კანონებითა და ნორმატიული აქტებით.
მოვუწოდებ ბეგლარ სიორიძეს, შეწყვიტოს მსგავსი მოწოდებებით ამომრჩევლის შეცდომაში შეყვანა” – განაცხადა ბრიფინგზე შოთა გოგიბერიძემ.

ახალგაზრდების ნაწილი შოთა გოგიბერიძეს მხარდაჭერას უცხადებს

ოზურგეთელი ახალგაზრდების ერთი ნაწილი მხარდაჭერას ქალაქის მერის არჩევნებში შოთა გოგიბერიძეს უცხადებს. მათ აღნიშნეს, რომ გოგიბერიძის პროგრამაში ყველაზე მეტად ოზურგეთის საუნივერსიტეტო ქალაქად ქცევა და უფასო კომპიუტერული პროგრამების შემოღება მოეწონათ. 

Image

ახალგაზრდების შემდეგ შოთა გოგიბერიძემ ისაუბრა ქალაქში აუქციონზე გამოტანილ ობიექტებზე და არსებული ხელისუფლება დაადანაშაულა ქალაქის საკუთრებაში არსებული უძრავი ქონების მიზანშეუწონელ გაყიდვაში. შოთა გოგიბერიძემ მედიას გააცნო უძრავი ქონების ის სია, რომელიც ოზურგეთის მუნიციპალიტეტმა აუქციონზე გასაყიდად გამოიტანა, მათ შორის სასტუმრო „გურიის“ შენობა. გოგიბერიძემ აღნიშნა, რომ დაუშვებელია ამ ქონების ასე სწრაფად და ხელაღებით გაყიდვა. „თვითმმართველ ქალაქს უნდა დარჩეს ურბანული განვითარების პერსპექტივა“ – განაცხადა მან.

ბეგი სიორიძის შეხვედრა ახალგაზრდებთან

3 ივნისს, დემოკრატიული ჩართულობის ცენტრში ბეგი სიორიძე, ქართული ოცნების მიერ დასახელებული მერობის კანდიდატი სკოლის მოსწავლეებს შეხვდა. მოსწავლეებმა მას ქალაქის წინაშე არსეული სხვადასხვა პრობლემები გააცნეს: მოუწესრიგებელი შენობები, ტროტუარები, პანდუსები, გაუქმებული კინო და ა.შ. მათ მერობის კანდიდატს დაათვალიერებინეს მოსწავლეთა მიერ გადაღებული ფოტოები, რომლებიც ოზურგეთის დღევანდელ ყოფას ასახავს.

 
DSC_0076

გარდა ამ პრობლემებისა, მოსწავლეებმა ისაუბრეს საზოგადოების ცნობიერების ამაღლების, დემოკრატიისა და კანონის უზენაესობის აუცილებლობაზე. მერობის კანდიდატის თქმით აუცილებელია არსებობდეს ხელისუფლის ნება ამ პრობლემების გადასაჭრელად.

 
DSC_0079

შეხვედრის ორგანიზატორი ახალგაზრდა პედაგოგთა კავშირი იყო.

ქალაქის მერობის ერთადერთი ქალი კანდიდატი

„ახალგაზრდა პედაგოგთა კავშირის“ ორგანიზებით მოსწავლეები აგრძელებენ ქალაქის მერობის კანდიდატებთან შეხვედრებს. 2014 წლის 2 ივნისს ისინი ირმა კვაჭანტირაძეს შეხვდნენ. კვაჭანტირაძე წარდგენილია ბლოკიდან „არასაპარლამენტო ოპოზიცია კუკავა-ჩიხრაძე“.

კვაჭანტირაძემ ხაზი გაუსვა საკუთარ პროფესიულ საქმიანობას, როგორც მანაღნიშნა ის ბიზნეს-კონსალტინგში მოღვაწეობს. ქალაქის მერად არჩევის შემთხვევაში მისი პრიორიტეტი ოზურგეთში ინვესტორების მოზიდვა, მსხვილი ბიზნესისა და ტურიზმის განვითარება იქნება

ბეგი სიორიძე პედაგოგებს შეხვდა

3 ივნისს „ქართული ოცნების“ მერობის კანდიდატი ბეგი სიორიძე ოზურგეთის მესამე და ანასეულის სკოლების პედაგოგებს შეხვდა. პედაგოგებმა მერობის კანდიდატის წინაშე სკოლასთან მისასვლელი გზების, სასწრაფო დახმარების, ქალაქის საავადმყოფოს ძველი შენობის, თხილის ფასის პრობლემები დასვეს. სიორიძე მათ დაჰპირდა, რომ არამარტო იმ პრობლემებზე იზრუნებს, რომლების მერის მოვალეობაში შედის, არამედ სხვა პრობლემების მოსაგვარებლადაც არ დაიშურებს ენერგიას და სახელმწიფო ხელსუფლების წინაშე დააყენებს ოზურგეთისთვის მნიშვნელოვან საკითხებს